Патрон грејачи

ЕГТ патрон грејачите обезбедуваат удобен, сигурен и ефикасен начин на внесување на концентрирана топлина во цврсти метални елементи посебно кога е потребен компактен и брз начин на вметнување на топлина, како на пример при правење на калапи, греење на калапи, метални плочи, кај алати за термичко запечатување. Патрон грејачите се лесно прилагодливи и ги има во широк спектар на големини. Најчесто се користат за загревање на вода, масло и лепила, како и на воздух, разни гасови и тврди метални елементи. 

Познати по долгиот работен век, патрон грејачите се конструирани со користење на прецизно димензионирани обвивки кои точно влегуваат во отворите на машините и создаваат целосен контакт со ѕидовите на отворите. Внатрешното грејно тело се состои од висококвалитетен порцелан, цврсто набиен магнезиум оксид, а е овозможена голема разновидност на излезни конектори како што се: метални завртки и навртки или никел силиконски изолирана жица. Грејното тело е така поставено да овозможи мала температура на јадрото, а голема на обвивката како и брзо загревање. Патрон грејачите со иноксна обвивка овозможуваат стабилна нерѓосувачка површина.

Површинската енергетска густина и работната температура зависат од големината на отворот. Поголем отвор - помала густина. Колку подобро е димензионирањето на контактот (отвор - патрон) толку подолг е работниот век на патрон грејачот. Патрон грејачите со површинска густина од 20W/cm2 е препорачливо да бидат зацврстени.